18/06/2010
O pasado día 20 de maio, por fin, conseguiuse que o Consello de Ministros aprobase o indulto dos nosos veciños Jesús Montoiro, José Moreira e Simón Márquez, Os tres do Eixo. Unha vez conseguido este obxectivo anunciamos publicamente a disolución da Plataforma de apoio ao indulto dos tres do Eixo, formada polo movemento veciñal de Santiago.
Aínda así, queremos aproveitar para lembrar que todo o conflito comezou, no ano 1998, co incumprimento dun documento asinado polo Ministerio de Fomento, no que se comprometía a colocar pasos de peóns na estrada N-525 (Santiago-Ourense), antes de abrir ao tráfico un terceiro carril. Ao tentar por en servizo este novo carril, a veciñanza do Eixo fixo diversas concentracións para evitalo, xa que non se respectaba a seguridade viaria para os peóns, prometida pola Administración.
Keep reading →
15/02/2010
A continuación reproducimos o comunicado público de solidariedade de varias AVV da Coruña cos 3 do Eixo:
Por medio da presente as AA VV de Monte Alto, Agra do Orzán e Os Castros queren manifestar públicamente o seu apoio aos TRES DO EIXO.
Keep reading →
15/02/2010
Nunha semana máis de 10.000 € recadados pola campaña “35.000 para os 3 do Eixo”, mais aínda son precisos outros 8.000 € para chegar á cifra necesaria. Desde que se acelerou e se fixo pública a campaña esta é a cifra que hai que sumar ao anteriormente recadado, para ter finalmente máis de 27.000 € disponíbeis para pagar os xuros de mora. Esta cifra xúntase aos máis de 156.000 euros que xa teñen pagado, sen contar os custes económicos de caracter persoal como os desprazamentos.
Keep reading →
09/02/2010
Lois Calvelo nun momento da súa intervención
Na mañá deste martes na Libraría Couceiro de Santiago, Lois Calvelo e José Manuel Bocija, portavoces da Plataforma polo Indulto aos tres do Eixo, explicaron a urxencia e a necesidade de apoiar economicamente a Simón, Xesús e Xosé.
