Aínda así, queremos aproveitar para lembrar que todo o conflito comezou, no ano 1998, co incumprimento dun documento asinado polo Ministerio de Fomento, no que se comprometía a colocar pasos de peóns na estrada N-525 (Santiago-Ourense), antes de abrir ao tráfico un terceiro carril. Ao tentar por en servizo este novo carril, a veciñanza do Eixo fixo diversas concentracións para evitalo, xa que non se respectaba a seguridade viaria para os peóns, prometida pola Administración.

A resposta foi enviar as forzas antidisturbios e provocar a disolución das concentracións violentamente, ata o punto de que un policía intentou reducir a un menor de idade, o que sirveu como detonante para crispar a veciñanza presente que tratou de impedirllo, e provocou un forcexo coa caída de varios veciños e policías, mancándose varios deles. Tralo breve incidente, todo volveu á normalidade.

Pasadas máis de tres semanas, a policía detivo, de forma indiscriminada, a seis veciños; denunciáronos coma se fosen terroristas; e despois de máis de cinco anos, no ano 2003, levouse a cabo o xuízo no que tres dos veciños, Pepe, Suso e Simón, Os tres do Eixo, foron condenados a sete anos de cárcere cada un, e a pagar unha indemnización de máis de 156.000 €, Cabe sinalar que as peticións de penas por parte da fiscalía foron de 14 anos, e 18 anos pola banda da acusación particular.

Loita veciñal polo indulto

A partir dese momento, sucedéronse os acontecementos xa coñecidos e comezou a loita para acadar o indulto, coa formación desta plataforma, toda vez que consideramos que o proceso foi un ataque directo contra o movemento veciñal, no que se quixo reprimir a voz e as manifestacións veciñais, castigando “exemplarmente” aos nosos veciños.

Tamén queremos recordar as mostras de apoio de todo tipo coa causa, durante todos estes anos, como foron: as dúas grandes manifestacións celebradas en outubro e decembro do 2007, con millares de persoas pedindo o indulto dos nosos veciños, polas rúas de Compostela; a multitudinaria expedición de acompañamento ata o cárcere de Teixeiro, cando ingresaron nel Pepe, Suso e Simón; as diferentes concentracións na praza do Toural de Santiago; o Concerto Solidario no Auditorio de Santiago; as marchas polo casco vello de Compostela; as máis de 15.000 sinaturas pedindo o indulto, recollidas e enviadas ao Ministerio de Xustiza; a campaña de recadación para axuda dos pagos impostos na sentenza xudicial, de 156.000 € primeiro, e de 35.000 € posteriormente; e todos os demais actos celebrados de cara a consecución do único obxectivo da Plataforma: “Indulto Xa”.

Aínda que o indulto foi moito máis tarde do que desexabamos, temos que agradecer, e moito, todo o apoio social, moral e económico acadado, non só entre a cidadanía de Santiago, senón tamén no resto de Galiza. O agradecemento é extensible a todos os colectivos, organizacións, e a aqueles que, a nivel individual, nos apoiaron: asociacións veciñais de Santiago, e de outros puntos de Galiza; o colectivo do profesorado de Galiza; os catedráticos, profesorado e persoal en xeral da Universidade; o mundo da cultura da nosa terra: escritores, actrices e actores, músicos e cantantes, pintores… diversas asociacións deportivas; ás organizacións sindicais; aos gobernos municipais galegos que asinaron o apoio ao indulto; á Xunta de Galiza; ao Parlamento de Galiza, que no ano 2007, asinou unha declaración institucional apoiando o indulto; aos partidos políticos e os políticos que nos axudaron nesta loita.

E sobre todo sacar unha conclusión: Este é un logro da veciñanza e da cidadanía en xeral, que cando loita unida por unha causa xusta como esta, consegue o que se propón, aínda que sexa máis tarde do desexado!

Unha vez máis: moitas grazas a todos!!

Por medio da presente as AA VV de Monte Alto, Agra do Orzán e Os Castros queren manifestar públicamente o seu apoio aos TRES DO EIXO.

Suso, Pepe e Simón, membros do movemento veciñal de Santiago, foron multados e condenados a cadea por participar nunha mobilización na súa parroquia en defensa dos intereses colectivos. Acusados de ter atentado contra a autoridade, foron sometidos a un xuizo e, logo de serencondenados,atópanse neste momento en prisión condicional. Ademais tiveron que facer fronte a unha multa de 156.000 euros para indemnizar ao policía que resultou ferido e continúan a sufragar os seus gastos médicos, malia que este segue a desenvolver a súa vida con normalidade.

As sucesivas peticións de indulto ao goberno español, foron sempre denegadas. Os diversos ministros de xustiza ignoraron as numerosas mostras de apoios sociais e políticos, persoais e colectivos, da sociedade compostelá e galega.

Neste momento estes compañeros teñen que facer fronte ao desembolso de 35.000 € en concepto de xuros de mora, que se suman ás importantes cantidadades que xa tiveron que pagar.

Esta situación é absolutamente insostible para a súa economía e están abocados a un inminente embargo das súas vivendas e salarios se non satisfacen este pagamento en dez días. É, pois, moi urxente a solidariedade de todos nós para que isto non aconteza.

As Asociacións de Veciños que suscriben esta nota pedimos a colaboración cidadá para realizar achegadas individuais e colectivas na conta de Caixa Galiza 2091 0348 123040012185.

Podedes encontrar unha infomación máis completa en www.ostresdoeixo.info

MONTE ALTO, AGRA DO ORZÁN E OS CASTROS COS TRES DO EIXO!!!

Na última semana acelerouse o ritmo da campaña de recadación, facéndoa pública e difundindo a mensaxe a través dos médios de comunicación, de SMS e internet. Así, foron moitos os cidadáns que fixeron as súas achegas a través do número de conta 2091 0348 12 3040012185 da Caixa Galiza, e que aparecen recollidos aquí

Lois Calvelo nun momento da súa intervención

Hoxe mais que nunca é urxente a vosa solidariedade cos 3 do Eixo.

Neste momento teñen que facer fronte ao desembolso de 35.000 € en concepto de xuros de mora, que se suman ás importantes cantidadades que xa tiveron que pagar. Esta situación é absolutamente insostible para a súa economía e están abocados a un inminente embargo das súas vivendas e salarios se non satisfacen este pagamento en dez días. É, pois, moi urxente a solidariedade de todos nós para que isto non aconteza.

Pedimos a vosa colaboración para difundir a campaña “35.000 para os 3 do Eixo”, así como as achegadas individuais e colectivas na conta de Caixa Galiza 2091 0348 12 3040012185

Nesta páxina podedes atopar os banners para difundir esta camapaña nas vosas webs e blogs persoais. É imprescindíbel tamén a difusión desta mensaxe entre as  vosas amizades via: SMS, correo-e, teléfono, twitter, facebook…

Para calquera aclaración, dúbida ou suxestión podedes contactarnos no enderezo ostresdoeixo@gmail.com

Agradecemos por anticipado a vosa solidariedade.

PLATAFORMA POLO INDULTO DOS 3 DO EIXO

Homenaxe ao pobo e aos “Tres do Eixo”, pola súa loita un prol da dignidade e a xustiza.

Imaxes gravadas na manifestación a prol do indulto, o dia 16 de Decembro de 2007.

Gravado cunha cámara de vídeo JVC GR-DVL145EG e editado e FCP con Soundtrack Pro

Despois de que en 2007 chegase denegada a primeira solicitude de indulto, a principios de 2008 volveron presentala e aínda non recibiron resposta. Contan co respaldo de 12.000 sinaturas de cidadáns, escritos a favor asinados por políticos e intelectuais e ata teñen o apoio do Parlamento de Galiza. A isto sumouse, primeiro, o informe favorábel dos tres xuíces que en 2003 condenaron a José Moreira, Jesús Montoiro e Simón Márquez a sete anos de prisión e a pagar unha indemnización de 157.000 euros. O fiscal, finalmente, tomou a mesma decisión . ( … )

El juez y el fiscal apoyan el indulto a ‘os tres do Eixo’ (El Pais, 31/Maio/2009)

Podes baixar o pdf da entrevista clicando na imaxe ou aquí